今日又帶女去麥記, 因行到累累地, 所以叫大女二女去買餐, 自己坐定定等食.
點知這兩個"大飯桶"又攪錯, 激C我.
上次去買餐, 收銀員找少左錢比佢, 佢無出聲, 回來後叫我去問人攞返.
當時唔出聲, 事後叫我去追數, 點追呀? 好彩個經理出面, 話相信我們話的是事實.
今次我唔比多錢佢地去買, 費事佢又比人搵笨, 點知都係出錯.
買四個套餐加二個散餐, 人地竟然比少四個包佢, 佢又唔知道.
攞埋位比我一睇才知少左, 嬲嬲地鬧完大女二女, 又排返這行隊, 搵返之前這個靚女, 話佢知佢比少左我, 當然又要查單, 最後才攞返四個包比我. 不過這位職員連sorry 都無同我講.
又係要教女時候," 你地以後買野要睇清楚, 人地找返錢對不對數, 買餐時又要睇清楚數量. 你地點都要學識, 除非你地想以後買咩都要帶埋亞媽去買".
十三歲十一歲, 買幾餐都買唔到, 我點依靠佢地呀!! 都係靠自己好過!
要多點比佢地去撞板,每次去都要叫佢地去買,買前再一次提醒要點好錢找夠了沒,唯有囉嗦一點,千其唔好因為怕佢地做錯就幫佢地做呀,唔係就會有依賴心的.
回覆刪除我都知佢地撞多幾次就會學識,但現在事後要我收拾殘局,激氣嘛!不過都好多謝你提醒我,謝謝。
刪除尐收銀咁渣架
回覆刪除找錯錢又俾少包
想蝦細路博大霧就真.
我估應該係星期六人多,做唔點。
刪除