總瀏覽量

2017年2月9日 星期四

忙忙碌碌

這兩天忙過不停,跑狗大賽,做牛做馬做狗,跑來跑去。我都唔明點解我咁忙,難道是甚麼好日子嗎!過個個預約都聚埋一堆。

星期二,一早帶女去做耳仔檢查,之後趕住送佢上學,因為約左個義工幫我補習。下午阿女在學校表演畫劇,我又要去睇,順便幫佢地影相,之後又趕住歸家,放低佢地,我又回校見家長,聽老師訓話,叫阿女努力讀書。心諗:你是阿女班主任,你叫阿女讀,你教阿女讀,同我講有屁用咩!接住煮飯食飯。晚上又是我學游水的時候,背式學極都唔識,回家後向大女訴苦,大女講笑,食飽左浮唔起。

星期三,上午我上學去,中午放學後又趕住接女,帶女去醫院打針。中午飯在醫院食,買得少阿女食埋我份,餓死我。之後又帶女參加課外活動,家長回家,我歸家煮晚飯,再去接女。

這兩天跑到腳軟,上樓梯都無力!

2 則留言: