熟客仔

我每個星期二都帶女去圖書館借書睇書，日子耐了，遇到錯出百漏的事情也多了。話說有次阿女借回家的書爛了，我不知是誰人所為，可能係我女兒，可能係之前借書的小朋友。只好用我有限的荷蘭文向圖書館人員解釋，我無證明不是我女兒所為，圖書館職員亦無證明是我女兒所為，只好叫我小心點，借書前先睇下本書，是否原整無缺，不用付錢了事。又有一次，阿女叫我幫佢續借，點知本書俾人預釘左，不能續借，我矇矇下忘了scan就俾返圖書館，點知圖書館寄個email俾我追我還書，又要去圖書館解釋。 今日又收到個email，叫我還書，今次係另外一本，我搵埋全間屋，都無這本書，只好死死地去圖書館問清楚，好在這本書係圖書館內，可能係scan過機時，叠埋其他書一齊，職員叫我下次數清楚睇清楚還書數目。係呀，我每個星期都借五本書回家，要她們睇書，自我增值。我都係日日讀報紙，玩自修。

母親節2014

女兒放左兩星期大假, 我們邊到都無去, 因為落雨.
但都帶過佢地去efteling, 玩左一日.

今日係母親節, 我收到許多禮物.
是她們送給我的.

未完

今日帶阿四去醫院檢查，我以為是最後一次，佢會好返。點知醫生話今次手術幫不到佢，醫生都未知何解，要轉阿四去再做耳仔檢查onderzoek，找出原因。我只好等…等佢約時間，我個心沉左落來，千奇唔好有事。

M.S.T.

今日第一日返學，這間學校名為M.S.T.。老師好驚訝?點解多左個學生而佢又唔知，佢話無人通知佢。我都好驚訝!?原來這本書已經教左一半，吓!咁我點讀落去呀?我問老師，現在點算好，佢話叫我讀住先，等學期尾，考試成績出左，再分班，睇下邊班適合我，我只好同意。 都有一開心事，這班有個中國人，可以有個伴，可惜佢講普通話，而我只懂廣東話，今次雞同鴨，我們一開聲，就用三種語言搭夠，超攪笑!

讀書再讀書

靠人，靠唔到。求人，求唔到。 唯有靠自己!  終於搵左第二間學校，繼續讀書。 希望學多些荷蘭文，可以解決生活難題，又可以自我增值，如果攞到文憑，就可以搵到工作。 原來我段段續續已經讀左五年書，之前讀左三年，之後停左八年，現在又讀左二年，可能係停得太久，忘記了許多許多，所以現在唔想停亦唔可以停，只要堅持下去，才有突破。

又玩野

等到喇，佢又玩野，唔知佢攪邊科，竟然問我攞返想當年我女滿月時，佢送比我女兒的金鏈，佢話等佢生日時親手送比我個女。咁都得???送左，問我攞返再送過，咩意思呢?!係以為我吞左，定係想我女兒知道佢送的。我大女今年十四歲，滿月時送的，十四年後問我攞返，真係難以想像，攪咩呀?!

清明

今年清明竟然無人鬧我，係鬧到無氣無得再鬧，定係縕讓中，隨時暴發呢! 感覺有點奇奇怪怪!!

今日燒左排骨，焗左蛋糕，整左花生粒朱古力，帶埋我的書信去探你。我唔知道你收唔收到，食唔食到，這是我的一點心意。

某些日子，總想為你做一點點事，為你煮一餐，是我最想做的。